صحيح حلـــوه وفيني شوية غرور
وفيني جــــراءه حاضنتهـــا طفولـــه
أحب صمت الليل وإشعاعة النور
وأفـــرح بزخات المطـر وبهطولــــه
وأحب أجننهم تفاكيـر وصـدور
وأحب أكون الصعـــب محــدٍ ينولــــه
ألعب على الدنيا ولا أتقن الـدور
أفشــل وأحــاول لين حزت البطولـــه
بساطتي ما هي بعيبٍ ولا قصـور
ومــاهمــــني من قــال عنـي خجـولـه
يكفيني إني شيخة الزين والحور
إللـــي تهــز الكــون عرضـه وطولـــه
صحيح عندي قلب لو عاش مقهور
يضحـــك لو إن الجـــرح يركي حمولــه
وسطه عنادٍ يكره الظلـم ويثـور
علــى عقــــول الظالميـــن الجهـــولـــه
وبداخله تلقـى معانـاة ومـرور
وأســرار محكومـــه بصولــه وجولـــه
صحيح في عمري مطبات وحدور
ومـاكـــل شـي ناصلـــــه بسهولـــه
هذا أنا طبعي كذا وإنت مشكووور
ولكـــل شخـــصٍ ياغناتـــــي ميــولـــــه
ممآ رآق لي ..~~